|
|
في سحابك عز واليك يا غيث هطل مزنته من كل جانب تلوح بروقها مرحبا باللي على ديرته شرف وطل طلته ردت على الناس كل حقوقها انجبت شبه الجزيرة بطل والله بطل يوم لقت له نحرها تربع فوقها |
جابت الحر الاصيل راهي الباع الطويل طالع من صلبها لا غريب ولا دخيل |
يقولها ,, عبدالعزيز الى اعتزيت ,, اسمى معزِّي احيا على الدنيا عزيز وان مت انا ,, ما مات عزي ابني دولة ,, وارفع رايه واحمل دعوة ,, واقرا آيه ثلم سيوف وكسر رماح حتى وصلت اسمى غايه |
اقارع الفرسان باعواد القنا وان قيل وين ابن الجزيرة قلت انا اصونها واسوق عمري دونها لي في ثراها مرتبة شكر وثناء اخدم المبدأ واذود عن العقيدة وابني المسجد على انقاض الصنم واربط الدار القريبه بالبعيده والشريعه للوطن,, حُكم وحَكم |
تبسم الفجر بانوار والصبح هذي نجومه الجار سيَّر على الجار والقلب نامت همومه الحق حنا له انصار بالعدل اقمنا رسومه تجمع الشمل يا دار قايد وشعب وحكومه |
حيا الله اللي نوخت به ذلوله اختار للشعب السعودي مساره يحكم بشرع الله وسنة رسوله فل الكتاب ورحبت به دياره هذا الموقف كل منصف يقوله لم الشتات وقاد ركب الحضارة شال العلم والتفت الناس حوله قضى على الفتنة وطفى الشراره |
يا جزيرة والله انجبتي الحكيم الشهم اخو نوره يا جزيرة كفو من جبتي الزعيم اللي سطع نوره |
نعم الزعيم المستقيم المعتدل ملا الدروب ,, احيا القلوب, امن وعدل مرحوم يامن جمَّعنا حَلّ اللغز أصاب المعنى وحّد شعب وأسس دولة والله معنا,, والله معنا نعم الزعيم المستقيم المعتدل ملا الدروب ,, احيا القلوب, امن وعدل |
الحكم ستين عام يضم وحدتنا شريعة الله على انفسنا نطبقها وحدة وحيدة حملها شعار دولتنا مهيب وحدة طواغيت نلفقها وحدة مؤسس ثبت واثبت هويتنا عملاق قوم تخضع له عمالقها عبدالعزيز البطل منقذ رسالتنا نوم شياطينها واخزى فواسقها شريعة الغاب تنفاها شريعتنا من شدة بالرسن ما عاد يطلقها تفنا العقايد ولا تفنى عقيدتنا مصيونه ما قدح بالشيب مفرقها ما نكست مع هل الرايات رايتنا خفاقة ذروة الجوزاء تهايقنا من شعبنا تنطلق شورى حكومتنا وحكم المربع تربع في مناطقها |
الملوك ملوكنا مالنا عنهم جنب والعقول الفارغة ما نطيع اشوارها الملوك ملوكنا والفدى منا وجب لو ما يبقى على وجهها ديارها هم عيال اللي على الحكم نفذ واعتصب حاملا روحه على راحته جبارها هم عيال معشي الذيب والسبع العضب هم دليلة روس ربعه وهو سبارها هم عيال اللي على الهجن ما مثله ركب وامتطى صهوات صم الرمك ومهارها هم عيال اللي حمى الدين بالسيف الحدب ثبت اركان العقيدة واقام اشعارها ما حكم باصوات حزب وزعيما منتخب داس حومات المعارك وخاض غمارها فيصلي حل فينا على صدر الرحب شد بزمام الجزيرة وقام بثارها فيصلي يبسط العدل ويعسف الصعب العصور الجاهلية محى تذكارها |
على هدي الرسول نجدد السنة ونحييها وهي مبدأ عقيدتنا ومبدأ الراحل المغفور ابو فيصل مؤسس دولة العوجاء وحاميها حكم صقر الجزيرة في الجزيرة ثم جاب صقور ملوك العدل والاحسان نحرسها ونفديها نفادي من حياة الاسرة اللي سعيها مشكور اوايلنا اوايلها وتالينا ,,, لتاليها صدور ما تقول الا الصحيح ولا تعد الزور سياستنا سياسة داعي الامة باساميها عقيدتنا تساعدنا بحفظ المسلك المأسور |
بيت ال سعود اهل الفعول الجزايل يا كود شي يصنعونه يا كوده المعجزات الهم تعود ذلايل صناعة التاريخ منهم صعوده فيهم ومنهم يهتدي كل عايل وراحو وجو ولهم على الحكم عودة منهم بشير الخير في كور حائل احياء على البيداء ليالي سعوده عبدالعزيز اللي يداوي الغلايل قوم على صحراء الجزيرة عموده تل الحراير والامهار الاصايل والاربعين اللي معه من شهوده من الشرق آخر نوره على نجد صايل محدا صمد مثل البطل في صموده انقذ بلاده من جحيم الملايل وناس به الشيطان يشعب قعوده يمناه للصاحب تمد الجمايل ان مد مدا ما يدور ردوده ويسراه للمجرم تجيد الحبايل من طاح في فخه نشب في قيوده وعدل وبدل واعتدل كل مايل ثم ساد شعبا حر محد يسوده |
فهد وعبدالله وسلطان تعديد عزاز النفوس اللي كبار هممها وابوهم اللي عبد الدرب تعبيد ثبت قواعد دولته ما هدمها معه اربعين وللمنايا مواريد وناحر لبيبان الرياض وكزمها سبع الغداري ضار بالمهاجيد نادا وفادا والحصون اقتحمها دخل بها واهل البيادي ملابيد واهل الخدور اللي تفلى غنمها عبدالعزيز محدد الملك تحديد كانت خرز سبحه وقام ونظمها واستخلص المسيود من قبضة السيد وعدل ما بين رعيته ما ظلمها صوت وقال اليوم وحدة وتوحيد وخرت وبالوسم السعودي وسمها |
يا بن الزعيم اللي تخافق مطاياه من مطلع الشمس الجزيرة يمومه يا بعد مسراحه ويا بعد ممساه خصم الخصوم اللي تهابه خصومه شد الحزام وقام والنصر خاواه واسرج حصانه ثم عقد كمومه يبحث عن اللي جاير الوقت خفاه حكماً محب العافية ما يرومه وجوّد وعوّد للسيوف المخباه ورمى العقال وقال للحظ قومه في الليل اخو نورة رياضه تحرّاه وتبسمت له وضحكت في قدومه جاها وهي مثل الهنوف المعرّاه واضفى عليها من عراها هدومه ونادى المنادى بأول الليل واتلاه الحكم لله والرياض محكومه كم من حريبٍ جنّه العجز بدواه المر والصبر المكسر لهومه ومنها يجوب بنجد فدناه واقصاه ما يشتكي من حر نجد وسمومه واصبح هو الراعي لنجد ورعاياه ولّف قبائل نجد لمَّ لمومه |
ورفرف علم عبدالعزيز وتقفاه ازمة وفي تسعة شهور محسومه ياحلوها مع صفرة الصبح حلواه حلت حكومه واستقالت حكومه ومن بعده عهد الرخا والمساواه محدٍ يكدّر كل نايم بنومه هاذي فعول أهل الطروق المخلّاه بياعة الغالي على من يسومه |
عبدالعزيز ,,, وكل نفس دعت له بالجنة الخضراء تضمد جراحه وارض الجزيرة بالسلام اشهدت له افلح بدينه واستمد بفلاحه واسمى معالم في الوطن شيدت له ذكرا على الصحراء وجو وملاحه يا ما فتوح ومعضلات جرت له والنصر فاله والشريعة سلاحه وياما يدين طايله صافحت له ومدت سواعدها بين نصح ونصاحه وياما ديار سلمت واسلمت له وقوم بها الاسلام والشرك ازاحه حرم على المسلم حلاله وقتله ومن عاهده ما خان به واستباحه هاذي شواخص نايفات بقت له حتى يقوم وينبعث من مراحه |
 |
|
