مرحوم يامن بنات الشيوخ يبكنه
ابن هديهد مقر الجود والطيب
يوم الخميس انتقل عساه في الجنة
بجوار من يعلم الأسرار والغيبي
عليه اهل العباير وأجذب الونه
وأقنب كما لاذيب في روس المراقيبي
ليت العباير على عيني يردنه
والا تجيه الرسايل والمناديبي
ياخال ياللي علوم الطيب رامنه
للخير سباق وسهومه معا طيبي
زين النبا والعطاء ما يلحق منه
وان جاء القساء مايصد عن المواجيبي
ريف النشاما على طول الدهر كنه
هداج تيماء لربعه والاجانيبي
من ماكرٍ موقعه في عالي القنه
فكاك الانشاب وحصان الاطاليبي
ليت المنايا على غيره تعدنه
والا امهلن سريعات التسابيبي
القدر مكتوب والايام هن هنه
والاجل محسوب وحسابه بترتيبي
