مرثية في العقيد تركي غنام رحمه الله واسكنه فسيح جناته,.

قلبي شكى من ضيم وقته غرابيل الله على قسوة زمانه يثيبه ينعى رفيق ما يغمض عن الحيل ولا يدفع العادي ابسوق الضريبه عن ما قفه لو حاولوا فيه ما حيل يرسي كما ترسي دواسي جذيبه فقده مطاولني ليالن مقابيل وعليه قلبي ما يهود نحيبه مكف دمع العين بيض المناديل ولا هو علي اليابكيته غريبه معاد من صوبه تجينا المراسيل ذب الطريق اللي طويل مغيبه يا موت ما دورت عنه التباديل اخذت غيره واحد تكتفي به راعي المحيا اللي يشوق المشاكيل وبالطيب اجانيب الرجال تحكي به برز لاشك اضفا على يومه الليل عسى الخلف يتبع مجاله وطيبه يالله يا مشف القلوب المغاليل على الذي ما فيه عيب يعيبه راعي الدلال اللي تجيه الرياجيل على الوجار اللي تواضى خشيبه الوالمات مبهرات من الهيل شرا بهن في صوت نجره يحيبه لا كرام سمحين الوجيه الحلاحيل اللي مجال الطايلات تغدي به تركي الى جاء للسوالف تحاليل يحلها نجم الزمن وخطيبه الله يبيحه عد رش المخاييل عسى له الجنه برحمه رقيبه دنيا الشقاء ما من وراها محاصيل ما جاء على قد الحياة اتغدي به العمر يفنى والليالي مراحيل وحنا بغفله والمنايا قريبه وصلاة ربي عد رمل الغرابيل على نبي معجزاته عجيبه