يا مرحبا بضيوفنا اعداد وبل الغمام
واعداد حزم سايل بالرس واشعابها
من يوم ابومحمد نصانا مع وزير اهمام
ألف هلا وترحيبة بالضيف يعلا بها
تعليمنا مرفوع برجال وربع إحشام
ما ينتعوض جهدهم للعلم وكتابها
يا مملكتنا إسعدي بالنور بعد الظلام
حكم السعود افعالهم كل تذرّا بها
ذكرى سنين شيده بالعز حر اقطام
عبدالعزيز اللي بناها وجود اطنابها
خمسين مع خمسين عام بالوفا والتمام
والشعب ينعم وسط خيرات فتح بابها
حنا لنا راية فخر توحيد عز وسلام
راية هل العوجا حموها حكّموا ما بها
يا مملكتنا وافية بالعز شرق وشام
من يوم ابوتركي دخلها خلص انشابها
يا طامع بالدار يا ويلك نهار الزحام
يعبا لها ملح الجريف ونستر اثيابها
منا التحية للفهد واخوانه في كل عام
امعطرة بالورد والريحان لشنابها
