ان عفتني ما انت بملزوم فيني

بارحل بصمت وكبريا ما بكيتك

هذا انا طبعي,, وكانك تبيني

يقسى الزمان وينتهي ما نسيتك

ألمس الى شفتك بايدك يديني

وقل لي وراها بارده لا لقيتك

انت الحياة ومسكنك وسط عيني

ومن نبع عذاب الحب جيت وسقيتك

خذها عيوني بالهوى لو تجيني

في لحظة فيها بروحي فديتك

لا شك اداري رغبتي مع حنيني

ومهما شربتك يا بحر ما ظميتك

هذا خياري وقلتها يا ظنيني

ما دام ينبض قلبي اللي عطيتك