إيه، امس كنت اقول يعني ليه ما يمنع من بث اوقات الذروة والمشاهدة الأسرية كل ما يندرج تحت بند الصرعات الدكاكيني اللي تحاصر آذان وعيون العقلاء من المواطنين,, يعني واحد مثل الاخ راغب القرب مثلاً، قبل ما يطلع على الجمهور تحط المحطة تحذير للجمهور بانها مادة لا تتحملها اعصاب وقلوب وعقول العاديين من الناس - يعني خارجة عن المألوف على الأقل - وهذا اضعف الايمان,, يا ناس ابسط شيء هو تحذير البني آدم الفار الأمن خلف الشاشة بأن المناظر والكلام اللي سيتعرض لها من النوع المؤذي لحواس الصاحين ويمكن يكون خطر جداً على وعي الناس اللي تعبت على رؤوسها صح,, يا ناس صدقوني ان المسألة اكبر من طفل يشوف فيديو كلب مسكّت للأخ العبدول فيه من السخف ما فيه، ولا هي مسألة شاب ولا فتاة تحت العشرين يفتن بقدوة من عينة الشاب خالد - وعلى فكرة ما اظن ان الشباب هذول خالد ورابح الجزائريين عايشين في الجزائر ولّا كان علوم على الحال اللي هم مسوينه هناك - ولا الشابة عتاب الله لا يحرمنا من فتاواها غير العادية في فنون الخبيثي والدوسري والعدني وكل ثقافة الخليج والجزيرة الفنية، الله يرحم زمان حلو كثير وبس,, صدقوني كنت اقول المسألة يا جماعة مسألة ثقافة مجتمع قاعد ينلعب فيها عيني عينك، ومن مين من بشرية مش ممكن ابداً ومطلقاً على رأي سرحان عبد البصير انهم يوجهون مصائرهم هم ناهيك عن مصائر أمة؟! يا اخوان انا والله مع نظريات السوق ومع الرساميل الوطنية اللي ممكن تلعب دور حيوي اكبر من الحكومات في الرأي العام داخل الحدود وخارجها,, وصدقوني ما عندي اي مشكلة مع ناس تعليمهم على قدهم ووعيهم يالله يالله ممشيهم بالدف في حياتهم مع انه تحت اياديهم ارقام فوق الستة اصفار ومن اليمين، واكيد ان من حقهم يدخلوا بزنس الجماهيرية والنجومية والأضواء بالطول والعرض,, بس ما تعتقدوا انه لما توصل الأمور لحد ان صاحبنا يأخد مقلب في عمره ويجمع حوله كل من هب ودب من القرايب، والحبايب وعيال الحمولة وبنات الحمولة عشان ما يزعلوا بعض الناس، اقول هنا تأخذ الأمور مسارا غير طبيعي وتحتاج الأمور لجهات تحت يدها صلاحيات وسلطات تمكنها من الأخذ على ايدي وارجل هالبني آدم والفريق المحترم اللي شغال معاه لأن المسألة ثقافة بلد وفكر امة وشغلات والله ما ينلعب فيها يا ناس,, انا اقول ان وجود هيئات وطنية مدعومة من الدولة وتحت يدها كفاءات وطنية متنورة مؤهلة للفتوى كفقهاء اعلاميين امر بالغ الاهمية ويمكن هو الوحي د القادر على تحجيم كل المسرعين اللي دخلوا عالم الانتاج الجماهيري بتوصية من مستشاري الغفلة طوني وموني اللي يعرفون اشلون يطلقونها في رأس المراهقين والحمقى وذوي العته المزمن من اللي عندهم فلوس، ويوهقونهم بأنهم حاجة مهضومة وانهم طليعيون وغيرن بلا طعمة الخ مسلسل الهك اياه,, بعيد عن مجاملة س وص من الوطنيين في استثمارات الاعلام عندنا، اقول الوطنية ما تكفي لوحدها عشان نكبر الوسائد ونطمئن اننا في ايدي امينة رزق,, عالم السوق عالم شروط وعالم مصالح بس هو وعي قبل كل شيء عشان توازنات الواقع الاجتماعي اللي مهم انها تمشي صح.
يمكن نبلش نحكي ع بكره في النهاية,,.