رحمك الله ياشيخٍ خذاه الموت واقفابه
رحمك الله ياشيخ رحل كلن بكا فرقاه
ألا ياالله تغفر له ويطيب من الثرى ترابه
في عطفك ياالله الجنه تكتب له جنتك مثواه
رحمك الله ياشيخ به النخوه وتلقابه
رحمك الله ياشيخ قليل من البشر شرواه
رحل واللي بقى علمه على فعله ويحكابه
رحل ياالله تغفر له على فعل الوفاء تجزاه
رحل واللي بقى كلمه واقوله ياالله الثابه
عسى في جنة الفردوس مصيره والخطا تمحاه
الا ياالله تغفر له في عطفك تكتب كتابه
وعلى كل الفعول اللي فعلها للولي ورضاه
طلبتك ياعظيم الشان يافزعة من تنخابه
طلبتك تغفر ذنوبه طلبتك ياإله إلاه
طلبتك تجبر مصيبة عياله واسرتن صابه
حزن ودموع والمفجوع تعينه ياالله اببلواه
وأنا كل الهموم اللي نستني عادة أركابه
وبدت تتكاثر اهمومي على موته على فرقاه
عسى يارب تغفر له وتجيب لدعوة اصحابه
وعسى في عطفك ولطفك تلمه رحمتك ياالله
عسى عبدالعزيز اللي خذاه الموت واقفابه
عسى في جنة الفردوس مصيره ياعظيم الجاه
