مدري وش اللي غير الطبع وأقصاك
وخلاك تندم بالتعرف علينا
إن كان من ذولا تسمع وذولاك
فاجزم وكاد إنا ترى ما صفينا
وان عفت عشره عشتها سنين وياك
عقب المحبة عن سماكم سرينا
هم غيروا طبعك ومديت يمناك
تهدم قصور بالمحبة بنينا
بعض العرب يازين لو قلت يمناك
اقفى وصد وقال ماهو علينا
وبعض العرب يحزن على أمرك وبلواك
والبعض الآخر ساليٍ مايبينا
هذي قصيدة لجلك اليوم لرضاك
قل لي بصراحة كان قلبك يبينا
