** هذه القصيدة بمناسبة مرور مائة عام على تأسيس المملكة العربية السعودية على يد جلالة المغفور له ان شاء الله الملك عبدالعزيز.

المملكة لبست عقود جميله لبست ثياب للفرح واحلى الايام قامت تكهرب بالعيون الكحيله الكيف طاب من يوم كمل مائة عام شامت لابو تركي وصارت حليله ثبت قواعدها على العز قدام حمى حماها بالسيوف الصقيله كلن خضع له غصب يوم البخت قام عساه بالجنة مساه ومقيله في جنة الفردوس في وسط الانعام وحنا سعوديين اصل وفصيله اهل الشجاعة والكرم نسل الاكرام سجل لنا التاريخ صفحة دليله حنا اهل التوحيد شعب وحكام ما همنا اهل القلوب الهبيله الخاينه اللي يعبدون الاصنام افعالهم صارت عليهم فشيله شفنا وكل شاف تخريج الافلام من الردى والحقد هذا حصيله ولا احد درى عما سعوا فيه الاقزام يالله يا منشي صدوق المخيله انك تسلم شيخنا عز الاسلام الشيخ شيال الحمول الثقيله للخير يسعى دوم شرق وللشام وانك تمدد به سنين طويله بجاه من نزل تبارك والانعام حكامناهم كاسبين النفيله اهل الوفا والجود وللبيت خدام