أنا لوحة عذاب الوانها دم وحزن ودموع
رسمت ابريشة الوقت الشقى وابدع تصميمه
ترك فيها الغموض وذاك شيا للزمن متبوع
رسم فيها ظلام الليل هتان ومطر ديمه
مطر دم ونبت هم وضما حب ولحقني جوع
وأنا مقفي وراء المقفي ودور بالدجا ريمه
سئلت الوقت في صوت القصيد وجبت به مطبوع
وصارت غيرني تمطر مطر به برق من غيمه
يمشيني هو الشاعر على دربه بدون اسنوع
يعلمني الزمان وكل دقه لي ابتعليمه
وانا في عالمي عايش بحب الفانت المربوع
مضت عمر ثلاثيناً نقل ركعه وتسليمه
حبيبي لو سرقت الوقت ما يستاهل الموضوع
الي مثلك يشيل الروح وروح الروح تكريمه
ثلاث أيام بالموعد واذا عداً جلست اسبوع
بعد عمري ملكت أمري وحبك جاز تحريمه
خدعني حبك القاسي ومن سيد العرب ملطوع
حبيب ضام قلي يا عسا الأيام ما تضيمه
متى يرجع قمر عمري وبضوي بالحياه اشموع
واسوي للفرح فستان واجهز تصاميمه
انا يا صاحبي هليوم أنا مثل الشجر مشلوع
يموت ان ما حصل مي وهواء والنور يا ريمه
وختام اللوحة القشراء بدايتها حزن ودموع
رسمت ابريشة الوقت الشقي وابدع بتصميمه
