كلا يقول اصبرونا أقول مليت

اليامتى ونا على الغبن صبار

يالله ياللي بالحياء تحيي الميت

يا محول الصحراء نواوير وأزهار

أنك تساعدني بعد ماتدهويت

وطبيت في بحر ولا كل الأبحار

بحر الهوى اللي فيه عنّيت وأعنيت

واصبحت ما بين الأمرين محتار

يترك لاحي ولا أنته أبه ميت

لاهوب لا وافي ولا هوب غدار

يضحك لك بموجه وفي قاعه الزيت

ويسري نسيمه مار في صدره النار

تصبح طروب البال والعلم لأمسيت

يصير لك يا صاحبي عكس ما صار

والكون ضاق وضاقت النفس والبيت

وأتعبت من كثير الهواجس الأفكار

وسجيت عن كل المخاليق وأقفيت

وأصبحت مقفي عاد عن كل ديّار

وأما سلكت الصبر مسلك وسجيت

لون طوله ما يجي عشرة أمتار