عاهدتني بعهدٍ جعلها ما تبوقه
جادلٍ كل ما املك تحت رحمة يديها
فز قلبي عليها فز مهره سبوقه
ارمعت يوم شافت فارسٍ منتويها
قلبي ان جاه علمٍ من طرفها يشوقه
رغم شح العلوم اللي تجيله يجيها
مندفع ويتجدد الامل في خفوقه
واكثر هموم قلبي لاتذكّر نسيها
صاحبٍ من هواه الشعر تسهل طروقه
والقصيده تزين بصاحبي واهتويها
من تمنى حيا دارٍ يخايل بروقه
وليّه سنين اخايل برق دارٍ ابيها
لين انا شفت برقٍ ليت ربي يسوقه
يمّ دارٍ انا قلبي شفوقٍ عليها
ثم يخضرّ عشبٍ يابساتٍ عروقه
وتفرح نفوس ناسٍ حزنها مبتليها
