على قدر ما لاعب الريح زملوق

وعلى قدر ما به من حرار ومسابيق

يلعب لك الخفاق يا بنت برفوق

لعبة غلا مع باقيات المعاليق

هلا هلا بك يا حلا القد والذوق

كاس الغلا من شان سيد الغلا سيق

تمتعي عن باقي الناس بحقوق

حق سما من فوق كل المخاليق

لك الغلا لو هو يوصف بمنطوق

شح الكلام ويبس في حلقي الريق

والله لو انك بضاعة وفالسوق

شريتها لوي على السعر ما اطيق

تفضلي عن مستوى العشق من فوق

داخل عيوني عن عيون مطافيق

عين الحسد يا بنت يا جعلها العوق

عسى الوسيعة عند راع الحسد ضيق

تفضلي ما دام فالعمر ملحوق

نقطف ثمر من تالي العمر ونفيق

تفضلي ومخامس الشوق للشوق

رمز الغلا يا بنت جعله توافيق