متى اللقا والشمل يا زين يلتم
وانس الليالي اللي مضت من حياتي
عشت الدهر كله ولا ادري بقى كم
واختلت الخطوات عقب الثباتي
حافي القدم وامشي مع الدرب الأظلم
وان زلت الاقدام حانت وفاتي
ضاع الدليل اللي من اول به اهتم
ولا دري وش الحيله وكيف السواتي
ساكت على الحسرة وصابر على الذم
متحمل العذال واهل الشماتي
ما شي بدرب باوله وآخره هم
والعالم الله كيف منه النجاتي
اكتم هموم في ضميري تلاطم
مثل البحر موجه اليا صار عاتي
او كالغريق اللي وقع داخل اليم
واصبح مصيره للفنى والمماتي
