لاجيت ابي من واقع الجو لحظات

تعذر اللي به يحيط وجلب هم

ينتاب روحي من عنا الوقع وقعات

اقصى العنا وادناه له وقع مبهم

لاجيت أفسر جاز معناه بالذات

واجهز على كل المعاني وعتم

اخشى عليه ان جاوز الصمت عثرات

ياقف على منطوقها ويتلعثم

مثل الذي يركض ورى واحدٍ مات

شايل عباته علها له ترحم

مجهد يبي مع جملة الناس فزعات

مايدري انه في سواته توهم

والا الذي بسراج يمشي مسافات

يبحث عن الظلما بها حيل مهتم

هذا وانا اللي ماعطيت اهتمامات

وشلون انا لاصرت شفقٍ ومغرم

ذا واقعك الجو مافيه رجعات

ولا فيه للي عايشك صح مغنم

ذا واقعك ياالجو صفوك خيالات

عكرت صفو اللي هقابك تعشم