وداعك أول جروحي وأول دمعه بعيني

وأول يوم في عمري اعيش بدنيتي ياحزان

وداعك أول الحرمان وآخر بسمه سنيني

وأول طعنه بصدري وأول وقفة الحيران

وداعك آخر أيامي وأول نار تكويني

وأول لحظة بعمري طواها اليأس والنسيان

وداعك آخر أحلامي وأول هم ياويني

وداعك رحله لمجهول متى ترجع يا اعز انسان؟

قصيده حب في حبك وفي بعدك تواسيني

قصيده حب منبعها خفوق ضاحي ولهان

قصيده حب ابنشرها لكل الناس بيديني

واقول اني أحبك موت وأقول اني معك غرقان

وأقول أني بشر وإنسان حرام إنك تعنيني

وحرام أنك تعذبني حرام البعد والهجران