هي ثلاث حروف قلتها لي يا هلا
حركت كل المشاعر لي معاك
انتعش لك خاطري شوق وغلا
وابحرت اشواق روحي في سماك
مالك كل المحاسن والحلا
والدلال بزود زود في هواك
ياشبيه الريم سارح في فلا
امتلكت القلب في لحظة صفاك
ياحبيبي القلب فيكم مبتلا
يابعد عمري أنا روحي فداك
من غرامك فاض قلبي وامتلا
يانظر عيني أنا من لي سواك
من ثلاث سنين وقلبي ماسلا
ينتظر مرسول وصابر في رجاك
لا تفكر ياحبيبي لا ولا
انت ساكن في فؤادي ياملاك
المحبه حطها الله في الملا
وانت صار القلب مفتون بغلاك
