تعالي ناظري ضيم الهوى والحزن والحرمان
تعالي علمي قلبي يعيش اشلون حرمانك
تعالي واقطفي ورده وشوفي عبرة الوجدان
ترى العبره تنثر بالورق كله على شانك
تعالي في حياتي واشرقي مليت كل انسان
تعالي ياوطن عمري أحب اعيش اوطانك
انا من هو انا مدري نسيت الاسم والعنوان
على روحي جنيت ولانسيت اسمك وعنوانك
ولو قالوا لي العالم ترى هذا الكلام اجنان
انا ماهمني ياريم عدواني وعدوانك
ترى لو جيت ياعمري تبي تلقي حطام انسان
رضع حب ورضع هم ورضع صدك وهجرانك
سهر ليل ونحب ويل ونشف دمعه على الأوجان
لبس درع الوفا لو هو يطول الوقت ماخانك
نثر صوته قبل موته وسجل باسمك الديوان
نسيت اسمي وظل اسمك لك الديوان ديوانك
