أنا الذي مشتاققلك حيل وأغليك

ولا هقوتي أقدر اكافح بلياك

وأنا الذي من بدة الناس شاريك

لا بار فيك اللي ملكته وخلاك

ولا تحسبني يوم قفيت ناسيك

لا والذي صورك وأبدع وسواك

أني على خبرك من العام وأبيك

وأطلب من المولى يعجل بلاماك

وياليتها بالمال وأدفع وأباريك

أو ليتها بالكيف وأصير واياك

أو ليت سمحات الليالي تناديك

وتجيك باللي جاك طيفه ولا جاك

أو ليت تركي يوم مالت خطاويك

مالقت في عينه وسلم وحياك