حاولت أروض في خفوقي المحبه
حاولت أعسف الشوق مره بكتمان
حاولت ولكن ليتني مثل قلبه
يا كبر حب في خفوقه ولا بان
حاولت أباعد بين دربي ودربه
لقيت دربي ضاع في دربه أزمان
أموت وأحيا ألف مره بقربه
ولحظة وداعه ألبس الشوق أكفان
صار الخفوق اللي معاها بغربه
كل الديار اللي لفاها لي أوطان
أنا الذي باكتب فوق قلبي أحبه
بتوقيع شوقي وباسم صبر ولهان
خايف يكون الحلم ف العمر كذبه
خايف يكون الحب في الكذب إنسان
سقيت من مر الهوى قبل عذبه
ولا ارتوى قلب بالحيل عطشان
مليت أنا صبري وصبري أغلبه
ولو ما غلبته كان أنا اليوم غلبان
