مثل الذي حفت حياته بالاصعاب

بين الرجا والياس حظه رمى به

عقب الوليف اللي تعدى للاجناب

دمعه غزير,, يمطره من سحابه

يبكي دموع بالحشا تشرج اسباب

اسباب حظ بالهوى وش رمى به

انا الذي حظه تردي ولا طاب

حظي ردي بالهوى وش مطابه

لا قلت بانسى في الهوى عكش الاهداب

وانسى خفوق بالهوى وش سطى به

وانسى علوم تشبه الكذب ,, كذاب

عله يموت بحسرته,, هو عذابه

أفز من حلمي,, كنا قرصة الداب

خطر علي الموت,, لاجله ما اهابه

لاجله حياتي كنها طرة تراب

وبين الحروف الخمس موتي هلابه

وارحل حياتي كنها سطر بكتاب

واسمي غريب للوطن في كتابه

وانا الذي حظي تردّى ولا طاب

حظي ردي والهوى وش مطابه