* هذه القصيدة رثاء في المغفور له بإذن الله اللواء بحري ركن / خالد بن نايف الدلبحي العتيبي قائد ميناء رأس مشعاب البحري وقد رثاه بها / عقاب محمد الحنتوشي العتيبي

يالله ياللي كل مسلم خشعله ياواهب الجنة وياواهب النار وداعتك خالد وقربك رحله المسلم اللي يطلبك سر وجهار انت الذي قدرت شي حصله وانت الذي علام في كل الاقدار رحمتك للي بالوفا شاهد له والمسلمين شهود في كل ماصار مرحوم ياللي ماتدنس سجله عساك للجنة مع الناس الابرار يالله عسى قبرك رياض مضله وندعيلك المولى عسى قبرك انوار مني تعازي للذي مخلص له قايد مسيرتنا فهد نسل الاحرار ومني تعازي للذي مانمله ياسيدي سلطان اعزيك بالبار واعزي الاسطول في قايد له القايد اللي في المهمات مغوار مني تعازي للكرم والشكله واعزي اهل الدار واعزي الجار واعزي عتيبه بزين الخصله واياض هل النوماس لو كانو كثار بعض العرب لو مات ماحد فطنله ماينفقد ياكود شرواك الاخيار لحظة وفاتك كن بالراس خله قامت تدور الارض بالرس دوار صار التواضع لبو نايف جبله يدله به المحتاج وضيفٍ ومرار الله يصبر هن عيونٍ بكن له هلن عباير هن على راعي الكار ولالومهن لو بالدمي ذرفن له بين العرب صيته جرى مثل الانهار وفا لنا ودموع عيني وفن له وانا اشهد ان الوقت ياناس غدار الله يعوضنا بنايف محله يجي مكان ابوه للطيب سهار يانايف اصبر واشتل الحمل كله وخلك سواة الشيخ محمود الاذكار وصلاة ربي عداد من ساجد له على النبي وعداد وبال الامطار