حب تبعثر في حشايه غرامه
بين النجوم ومنزل الجدي سواح
اه الزمان اللي مضاء بتهامه
ماقول لاكاذب ولاقول مزاح
وين القمر في طلعته بالسلامه
يوضي على ليله تغاريد وافراح
من مر في جوه عطاه ابتسامه
بالكيف وزهار الشجر ريحها فاح
للبن ميقافٍ مع الهيل شامه
قهوا ضرم من خاطره ناح ثم ناح
عقب العماس اشوف يزرع مرامه
يجذب معاميلٍ على الجمر قراح
تحيي فرايدها رياح العدامه
منهاالرجاء حين بقلبي ولاباح
غصنٍ حيي عقب اليباس بعسامه
وملاح في ليله من البرق مانزاح
يطلب ودادين الحياه بغمامه
من مزنتن يذبل بردها اليا طاح
تلقاء الرجاء فالقلب غصنه احزامه
وتسبح عروقه في ثراها اليا ساح
لو كان تسجع بالغصون الحمامه
والطل بزهار الشجر يبر الاجراح
ليت الليالي تعيد رعشت حلامه
وليت الزمان بزهرة العمر ماراح
