ياعين كفي دمعك اللي تهلين

كفي ترى حال خلك خطيرة

كفي دموعك لاتقولين بعدين

بعدين مايجديك رد المريره

ابنشدك ياعين مني سؤالين

الى متى ياعين وانت سهيره؟

والي متى تبكين,, والناس ناسين؟

عمر مضى ياعين وانت بصيره

ياعين اخاف عليك فقد المزايين

يوم يجف الدمع وانت بحيره

واصبح وامسي بين فينك ومن وين

لاعشت في حالي ولاشفت غيره

كفي على كف اللي من الناس وافين

واسهل دروبٍ في عيوني عسيره

رمشي انجدل عرايش كالبساتين

والبكره اللي تنتح الماء ضريره

ياعين لاترضين فالصاح تكفين

وكفي دموعك لان حالي خطيره