تعال يا ليل الاسى واسدل ستار

واحجب عن عيوني تكرم نهارك

تعال ياللي تنتظرني على نار

خذني قبل لا ذوب من حر نارك

تعال نتفاهم على كل ما صار

ياللي حكمك الحب دون اختيارك

تعال لا تلمذك عزه على الجار

ما اشين من التقصير في حق جارك

تعال يا معدي على خبرك الدار

مارحت عنك بعيد في صف دارك

تعال ودعني على شان ما احتار

كم كنت متمني توضح قرارك

تعال شف حال بدا اليوم ينهار

عساك تدعى له وربي يبارك

تعال ذبح الحب من يأخذ الثار

لازلت مشغول بثاري وثارك

تعال لاحظ بالنظر كل ما دارك

واجبك في مجمل حياتي تشارك

تعال لا تحرم مسامعك الاشعار

بس الرجاء لا لا يطول انتظارك