دنياً تورينا العجب مار حتى إيش
ياما خذت اكثر من اللي عطتنا
ماطاب فيها الوقت ولارغد عيش
لو طاب فيها الوقت مالوعتنا
غير السعادة مكسب الروح مابيش
ارزاقنا اللي قدرت عيشتنا
ماضاع طيرٍ في السماء يصفق الريش
وعين الكريم الي رجينا رعتنا
المشكلة له نطمع نبي دايم نعيش
والموت قافينا من أول سنتنا
الخلق مثل الزرع في يد حواشيش
هذا المنايا داهمت واحصدتنا
وين الرجال اللي على ظمّر الجيش
راحوا تقول اليوم ما عاشرتنا
عسى السحاب اللي مزونه مراهيش
تسقي قبر, ناصر, مثل ما سقتنا
بسم , المفرج, جيت أعزي, يابو حبيش
نسهر سهر عينٍ جزت واسهرتنا
جوٍ تكدر وامتزج فيه تشويش
شمسه تغيب وغيمته ظللتنا
ماعاد أميز وأدرك الصح من ليش
صكات بقعا كشّرت وازعلتنا
شفت العجب واكثر بعد مار حتى إيش
ياما خذت أكثر من اللي عطتنا
