استأذنك لو بطول الليل وعتابك
ابتركك بين شمع الصمت تبكيني
راجح وكلك امل بترجع احبابك
وبكل سهولة ترد الفرح لسنيني
مستغربة بعد طول الهجر وش جابك
راجح تصحي الجمر وتشعله فيني
يا قو قلبك تشق الجرح بأنيابك
من عقب ما خايطته سنين وسنيني
انا شربت الشقاء والسقم باسبابك
وانا قتلت الفرح براحه يديني
يالوعتي لوعتي من لوعة غيابك
آه على آه ما به من يداويني
في زحمة الشوق قلبي كم تغني بك
كم مره في هجيع الليل بشجيني
كنت رسم الشمس فرحة داخل كتابك
واتخيل انك بروض الحب تدعيني
كنت حسبك وافيٍ تتذكر احبابك
واترك على ضفه الاحزان ناسيني
كسرت قلبي ودمانه على بابك
رمح الغدر بخس سمم لي شرايين
حب جديد يكحل ضافي اهدابك
وانا المدامع تكحل رمشي وعيني
استأذنك لو تبيني سدد حسابك
وما ضنتي كل مال الارض يرضيني
