أواه يا جرح الزمن والطواعين
خلّت خفوقي يختلف عن مساره
يابو فهد كن الحشا بين نارين
نارٍ يمينه ونارٍ أخرى يساره
مثلي مثل تايه فقد له عناوين
يبحث عن اللي غاب هي وين داره
احترت انا بين الدفا والبساتين
وحترت في ليل نسى وش نهاره
يابو فهد كن الحشود الملايين
تقرأ بعيني وش تقول العباره
عنها دروا قاصي عربنا والادنين
يابو فهد يامن يجيب البشاره
عقبه خفوقي يا ولد صار قسمين
قسمٍ معي وقسمٍ خرج عن مداره
يابو فهد بأقصى ضلوعي وبالعين
حزٍن بنى من هول ما بي عماره
