سؤال لأهل الحب والعشق مطروح
يغني عن التعريف للناس طرحه
هوليه راع الحب والعشق مجروح
أو هو ليه يخفي بين الأضلاع جرحه
وصويب المحبه ليه بالهجر مذبوح
ويبين عليه الحزن من عقب فرحه
وخسارة صبره على غير مصلوح
قولو معي بالله من وين ربحه
ابغي جواب داخل العقل مشروح
يستمتع العاشق بطرحه وشرحه
ليته يكب الوجد والسهر والنوح
حتى يجيه الوصل من عقب شحه
وتبنيله الآمال روحات وصروح
ويرقد قرير العين في وسط فرحه
خذها نصيحة وافلج الصدر بالبوح
وكلامي احسن من علاج المصحة
