ودي الملم مابقى من سنيني

وارحل من ديارك على غير رجعه

ما دام ياترف القدم برت فيني

فأنته ولاتستاهل اليوم دمعه

كلي سعادة والفرح محتويني

وثوب الحزن قررت يابنت نزعه

وكانه سألك الي بحبي فطيني

عن سر معشوق يبي منك جمعه

ليشه رحل عن داركم خبريني

وانتي بدربه ماضي الوقت شمعه

قولي لهم انك سكنتي بعيني

وانه غلاي الغير يابنت بدعه

قولي لهم وش فرق بينك وبيني

قولي صدوق الود هو دوم طبعه

قولي بدل ماسدده بعض ديني

وجهت له مع قاسي الوقت صفعه

يابنت انا قلبي تصونه يديني

قررت عن درب الهوى دوم منعه

واليوم ابا اغنم مابقى من سنيني

وارحل عن ديارك على غير رجعه