تبقى تعاني قسوة الظلم محروم

تشرب من كفوف الزمن ضيم الأيام

ترجي بقايا حلم في درب مقسوم

رغم ابتعاده في مواعيد الأوهام

والياس دمع بين الأهداب مرسوم

وين الأماني يازمن؟ صارت أحلام

شمسك تغيب وتسهر الليل مهموم

تشكي عذاب الحب مجروح منضام

ماشفتها في ضايع العمر لو يوم

سعادة غابت عن عيوني اعوام

يرجع خفوقي تالي الوقت مهزوم

لو إنه آخر ما بقا شوق واهيام

من ذكرياته باقي اطيوف واحلوم

وبعض التعب يسكن عيوني والاقدام

تبقى تعذب تجرع المر واللوم

وتعزف على أوتار الزمن ضيم الأيام