والله لبين لهفة الحب فينا
ليت القصيد يوضح الحب ليته
لك الثنا ياسامع ما دعينا
من رحمتك لبس العوافي كسيته
مولاي,, حنا من شفاك اهتنينا
ياكبر حب يافهدنا عطيته
لك يبوفيصل كل خير دعينا
حب غرسته يا ملكنا جنيته
سلامتك فضلٍ من الله علينا
أجر ومثوبة من إله اتقيته
يا محكم القرآن شفنا لقينا
عدالة الله اظهرت ما نويته
قدّرتنا شاورتنا وارتضينا
شورٍ على الاصلاح أنت ابتديته
نلمس حنانك ياملكنا بيدينا
كل شان شعبك باهتمام قضيته
ياما نهلت الخير لين ارتوينا
يا خادم البيتين كلن كفيته
يم المعالي قدتنا واعتلينا
هامات مجدٍ ذاع بالكون صيته
بعروقنا حب الوطن ماحيينا
ياالفهد بحصون الشريعة حميته
لك ياالسعودية حنا انتمينا
يحفظك رب رافع شان بيته
