قالوا دخل وجريت بالصدر وناه
وقالوا شفى ونور على نجد كونه
وقالوا لي طيب وقلت نشكر من اشفاه
شفاه عزٍ لذي يطلبونه
هذا أبوفيصل نرخص الروح لفداه
عسى ملكنا ما تجيه المهونه
وهذا ابوفيصل ريف جاره لياجاه
والمضطهد يرفع صعائب غبونه
وهذا ابوفيصل عز من كان ينخاه
عقب السهر خلاه ترقد عيونه
وهذا ابوفيصل كم لاجي رجا حماه
وفزع بفزعات تضمد طعونه
وهذا ابوفيصل كم يتيم تمناه
يبكي وحر الدمع حرق جفونه
ثم انقذه من حرهمه وبلواه
وبدل بكاه بفرحة يشهدونه
وهذا أبوفيصل شف كسوفا وش اعطاه
وانظر ديارٍ من وراها ودونه
وهذا ابوفيصل كم عطشان أسقاه
عقب العطش قدم لهم ما يبونه
وهذا أبوفيصل جعل يسعد بدنياه
وعن ميلة الأيام ربي يصونه
رجل السلام وعز الاسلام مبداه
للدين خادم مخلص في ركونه
ولو قمت أعد الصبح والظهر ومساه
فعايله بالطيب ما يحصرونه
قالوا دخل وجريت بالصدر وناه
وقالوا شفى ونور على نجد كونه
