وجهتي للغرب عنّي شرّقي
وعن مصير الشرق حدثك الغروب
اختلط بالدرب دمي وعرقي
لا وصلت ولا معي قلب يتوب
كم لنا من وقت نحلم نلتقي
نكره الترحال والقلب مغصوب
وكم لك بعيني شموخ ويرتقي
لين صرت اشوف خلق الله عيوب
مهرتي نادى النمادي والحقي
ما ينام الليل من كان مغلوب
غايتي وان جاك شعري صدقي
شاعرك خايف من ثياب الذنوب
تعبت اقدامي تدور مفرقي
من شمال الخوف والا من جنوب
قلت لعيونك تعالي واعشقي
وبالسحابه لا يبعثرك الهبوب
ارعدي بحشاي هلي وابرقي
العطش من عادة المزن الكذوب
يالليالي ليت ما قلت ارفقي
كنتي اجمل يوم نلقابك هروب
وبالقصايد لاجل خلي دنقي
وان كتبتك خلي الجرح مهيوب