يا عنيق اللي تهايق مع راس الطنف
لا فحه مع طلعة الشمس ريح ذيّره
ارحم اللي يوم شافك تغير واختلف
ما ختلف قدام عرفك ولا أحد غيّره
عقب عرفك صار فيه اختلاف وانشغف
صار مثل اللي لمن شاف حالته اعذّره
انصفق عن يمة الناس وأدوّي وانحرف
كن في قلبه من الود نار تسعره
ارحم اللي واقع في الشبك وقعة شرف
الشريف أهل الشرف ترحمه ما تقهره
اعترف لك بالحقيقة وهو ما يعترف
يرتجيك العطف واللطف عند المقدره
