حبيبتي
يامشعلة,, نار الجفا
وجمر العذاب,, في داخلي
يكويني,, كي
ابسألك
عن حالتك
بعد الجفا,, كل هالسنين
وبعد الفراق,, اللي تبين
وبصدق أبي منك الجواب
ليش الهجر
ليه الغياب
ليش الوعود الكاذبة
باكر أجي
وحبال وصلك ذايبه
واحلام عمري,, ترتجي
باكر يجي
وانتي تجين بلهفتي
وبعيونك القى بسمتي
الغايبه عني سنين
حبيبتي
أو ياللي كنتي فيوم,, حبيبتي
ياسارقة كل الفرح
ومهاجره عن دنيتي
طول السنين اللي مضت
يالله تعالي واصدقي
رديني من موت الحكي
وقبر انتظار الأجوبة
من حيرتي,, والأسئلة
حبيبتي
قولي جفيتك مرغمه
قولي رحلت محطمه
قولي وقولي,, برري
بس ألقى رد وأفهمه