محمد بن خلف الخس واحد من رواد الشعر الشعبي على مستوى الخليج,, متابع جيّد للشعر الجديد وله رأي خاص في هذا الشعر او قل ببعضه ترجمه شعرا بقصيدة رائعة موجهة الى رائد آخر من رواد الشعر الاصيل بل من أبرزهم هو الشاعر الكبير عبدالله بن عون.
وللأمانة أقول انه قد وصلتنا قصيدة حول هذا المعنى من شاعر شاب على مقاعد الجامعة هو الشاعر السعودي جوهر الحربي الذي يدرس في جامعة الكويت وأجلنا نشرها لوقت قد يكون اكثر مناسبة.
ولأن الشاعر الكبير محمد الخس قد اختار مدارات شعبية دون غيرها رأينا ان له الأولوية في النشر وها نحن ننشر رائعته وننتظر الرد من شاعرنا الكبير ابن عون:

يا هل الشرف والشهامة واهل الشيمه والانصاح وش رايكم لو تركت الشعر مافيه إنتقادي باحط دون باب الشعر لي, قفل ومفتاح وخلي الشعر كله من جماد إلى جمادي أسبابها يوم صار الشعر كنه صالة افراح راع الحفل وش يميز فيه من حادي وبادي قامت تشوته معجنة القوافي شوت ملواح بعض قصيدٍ تقوله يزعل اللي فالمهادي اظن بن عون مثلي خاطره ماهو بمنساح يشوف ما شفت يوم إن الشعر صار إمتيادي اليوم صار القصيد يباع ويدور به أرباح من عقب ماهو شريف أصبح يبيع بالمزادي قامت ضعاف النفوس تبيعه في سوق ماشاح من عقب ماهوب تاريخ المعارك والجهادي اليوم جته امةٍ مدري هي مجنن هي صحاح أحد يبيعه وأحد يشريه ياشاريه غادي لو شاوروا مثل عبدالله رصيد الشعر ما طاح كان القصيد اعتدل واللي يسويه إستفادي الشاعر المدرك الفاهم يدلك درب الأنجاح يوردَّك للطريق الزين توريد الزنادي يا اللي تقول أنت وش علمك عن الأشعار منزاح تلومني يوم اخل الشعر من غاية فوادي الشعر ما بيه جعل الشعر ما يرجع إلى راح حيث إن وقته قضى ماله مع العالم مقادي اصبح مخلّد شبه ميّت عليه صياح ونياح راحوا لشعر الحداثه والمسارح والنوادي راع القصيد الخريط أصبح يلبّس تاج ووشاح واللي قصيده ذهب ينقال له وين أنت غادي يا اللي تسو القصيد الزين خلَّه عنك وارتاح هذاك وقت مضا واليوم جاء وقت الدوادي صفّق بكفك ليا غنّا على المذياع مدّاح خلك تمشّا مع التيار من عرض العبادي اليوم وقت الكمنجه والسّهر لا وقت الاصباح والطقطقة والطبول ووقت تصفيق الايادي إليا دق عود الطرب غدا لهم تصفيق وصياح من زود الأغرام ما تسمع حبيبك لو إينادي إليا قالوا إمسيِّةٍ من كل فجٍّ جوك طفاح جوها ولا ميزوا ريح القراد من الزبادي وإلا قصيد العرب يوم العرب هل شلف ورماح يوم إنهم قمّة الامجاد من حضر وبوادي تاريخ خطلان الأيدي فاللقاء مهدين الارواح نطاحة الجمع فالهيجاء معيّلة الطرادي قصيدهم فالشجاعه والكرم وعلوم الأمداح وإلا بتلع الرّقاب اللي مثل ريم الحمادي وأما رصيف القمر والشمس مالي فيه مسراح أهله يمشون مع وادي وأنا ليّه بوادي يالله تكتب لنا اللي فيه خير وفيه الإصلاح وتجيرنا من شرور أهل المصايب والفسادي اللِّي بعضهم إلى جاء الليل ما يرتاح بمراح وليا اصبحوا رقدوا لينه يهل قران حادي يالله تحمي الوطن واهله من هبَّات الارياح وتعزّهم يا عزيز الجاه, يا رب العبادي حيث إنهم شجرةٍ من لاذ فيها شبع وارتاح تحجي وتذري وتكسر رأس من يبغا التمادي هذا كلامي وانا في جابتي ماني بمزّاح أقولها حسب معرفتي ورايي وجتهادي