شيّبت فينا الليالي وهي عيّت تشيب

دايم بنت يلوح الشباب بخدها

بين سود رموشها تطلع نجوم وتغيب

والخدود تضم مزح السراب وجدها

تفتن اهل العشق في غصنها اللدن الرطيب

ومن طمع في وصلها عافها من صدها

ظبية في زينها يا حسين ويا عجيب

ضبعة نبيانها للصديق تحدها

تنقلب في ساعة تقلب المذهب ذهيب

تحكم وتظلم وتبطش ولا احد قدها

من بنت له قصر ملزوم تحفر له قليب

ما ذكر عن طبعها اكبر زعيم ردها

هذي الدنيا والايام في سرح وعزيب

تقبل وتقفي ولا يندري عن سرها

من عرفت العلم مالي بها حظ ونصيب

واقفه ضدي وانا ما اقدر آقف ضدها

البستني بالصبا بدلة الريس نجيب

وانزلتني منزل المنطوي في حدها

بالخلايق عمرها ما ذكر ودّت حبيب

والغريب ان الخلايق جميع تودّها