لا والله الا سافر الزين ياخال
واخذ جميع الروح مدري بعضها
جاني يودعني يقول الشقاء طال
ورجع شريط الذكريات وعرضها
يقول تذكر يوم عش الهواء شال
قلبين في جسمٍ عليل ونفضها
وتعلقن في طرف غصناً ولامال
واصبح حلال الحب صافي غرضها
ويقول ثم يقول ويقول ياخال
واجروحي اللي خايطات نقضها
قلت المحبه كلهاهم واهوال
ونار الفراق بحكم ربك فرضها
وهلت دموعي مثل سيل ليا سال
وعجزت عيون المستهام نحفظها
خلالي الخاتم وسبحه وسلسال
ولك الظروف القاسيات افترضها
ياشينها من بعد تقليب الاحوال
فكرت فيها والتوى بي مرضها
واشكي عليك الحال ياطيب الفال
ممن دمر روحٍ على الله عوضها
واحلف برب البيت علام الاحوال
اللي خلق صم الجبال ونهضها
ان الهوى في داخل القلب لازال
لو ان روحي ماترك لي بعضها
