محاورة بين الشاعرين الكبيرين حمد عبدالرحمن المغيولي وعبدالعزيز حمد البادي رحمهما الله - والتي جرت في محافظة عنيزة:
* حمد:

سلامي على اللي بالفرح مشعلن ناره عدد ما تهز الريح خضر النبانيبي ترضيت اشارك بالفرح عمدة الحاره وذا واجبي يا مكملين المواجيبي

* عبدالعزيز:

الا مرحبا وسبوق الايام غداره يما به في الافراح والخبث والطيبي وكلن يبي يأخذ مع الدرب مشواره وللضيف واجب عند بعض المعازيبي

* حمد:

على ناس والا ناس بالخير مختاره اقوله وربك يعلم السر والغيبي الا يازعيم تعتزي بأول الغاره علامك وانا غافل تكبر تصليبي

* عبدالعزيز:

ترى كل من يدخل يحسب للمظهاره سراط الله المنصوب فيه الكلاليبي بعض ناس ما يلقى بكيسه ولا باره متى ما بدا ذيب بكوسر على ذيبي

* حمد:

الا يا سلاحٍ تاه راعيه بعياره على رأس ابو مستور يأخذ تجاريبي نصبت الهدف والذرف ما يخطي الشاره وبعض الروابع من كبار العواقيبي

* عبدالعزيز:

ترى الناس عند الحق ما هيب عذاره ومن يكلب العربان يوف المطاليبي يقضقض شعيل وحط بالرأس هداره يحسبه على فاله بروس المعازيبي

* حمد:

حلالي معي لو بعض الاقصين غداره ولا اذمكم يا متعب الفطر الشيبي انا اقول ليت الجار ما يمتحن جاره تسير السوالف بين عشره وترحيبي

* عبدالعزيز:

وانا اقول ميز بين وردك ومخماره وروس النضاء تقداه روس المشاعيبي فهيم العرب يدري عن اخطاه واشباره مثل ما كثير الناس يكفا المحاليبي

* حمد:

ترى للمشاكل شرع منصوب واماره والا ادور الغافل بشذب العراقيبي حلاة المثاري ما يقعص ورى ثاره اباخذ بحقي وادفع الحق من جيبي