معاد أبيك,, ولا تجيني ولا أجيك

فرقاك عيد,, ولا بشوفك غنيمه

كنت أحسب إن الوقت يا زين حاديك

وأحسب سبب بعدك ظروفٍ عظيمه

وأثرك تعمّد تشقي اليوم غاليك

وتبغاه بغيابك يذوق الحريمه

ودام الغرور اليوم يا زين معميك

وصدّقت قول أهل الحسد والنميمه

فلا تحسب إنك يوم تزعل,, براضيك

ترى التغلي صار,, موضه قديمه

ولا تحسب إنك يوم تقفي,, بناديك

من راح,, والله ما له اليوم قيمه

وفارق,, تراني عقب ما صار,, ما بيك

واعرف,, ترى فالنفس عزه وشيمه

ومعاد أبيك,, ولا تجيني ولا أجيك

فرقاك عيد,, ولا بشوفك غنيمه