قال من هو بدا نظم المثايل علىالضا
مابغيت الضعيفة رغبتي بالسمينة
آه من قلبي اللي خضه الوقت خضى
وعيني اللي من الاحداث صارت حزينه
يوم اشوف الزمان اللي بنابه يعضى
لو ضحك لك ليال ناصب لك كمينه
لو يزخرف لك الدنيا يعود يقضي
مثل وصف السراب وكلنا عارفينه
الحظيظ الذي قبل الصلاة يتوضى
ثم يمشي الى المسجد برفق وسكينه
يعبد الله ويخشى حر نار تلظى
يطلب الله على حسن العبادة يعينه
يغنم الوقت دام العمر مازال غضى
دام باول شبابه ينتبه يم دينه
يالبيب العقل عمرك سريع يتمضى
مانت قادر تعرف اللي بقى من سنينه
حض نفسك مع اهل الدين والخير حضى
كل نفس بما تكسب تراهارهينه
سوق الاعمال كانك رحت يمه تقضي
فاختر الطيبة من كل زين وثمينه
ولاتخلي صلاتك لتقوم وتفضي
كل ماحان فرض صل فرضك بحينه
وغض طرفك الى من سرت بالدرب غظى
كل مسلم بدربه واجبه غض عينه