يابنت حتى إن كنت مانيب مملوح
ملحي مع دروب النشاما فعالي
إذا خذا بالمرجلة بعضهم شوح
تراي انا يابنت كل الليالي
في صمت اقدم قدرتي واكره البوح
حلمي بها الدنيا صعود المعالي
ياكثر اداوي الغير والقلب مجروح
كني موكل بالطريق المثالي
ودرب المراجل للمخاليق مفتوح
ومشيت به يابنت ماني لحالي
من روح احب الناس واعطي من الروح
نبض وعطا وإحساس بالحيل غالي
والقا خفوقٍ ضمهم بات مذبوح
وأجرع على صبري مرارة سؤالي
واللي غدربي قلتله الف مسموح
يموت حسره مايحصل بدالي
