بعيد النظر اسم يستحق المتابعة,, نأمل ان يتواصل ويعمل على تكثيف الافكار بحيث يتم المعنى بأقل ما يمكن من الابيات فذلك يخدم النص في مجال النشر,.

ليا مني كتبت الشعر شطر البيت حياني اقول بيوت شعر عن هزيل القول مصيونه تمعنيت القصيد واهو من شوقه تمعناني زبني واحتميته بين من كانوا يسومونه نفضته عن غبار الذل حتى صار له شأني ولبسته وسام العز يا قول تذلونه صهرته ثم ذوبته على المعنى ونشماني كما صهر الذهب في قالب المصنع يصبونه وانا اكثر ما دفعني له غرام اللي تبلاني اثر سلك الغرام ادقاق يا اللي ما تعرفونه انا لي صاحب عن جملة الخلان كفاني ولو يجمعهم الله قدم عيني ما يساوونه هو اللي هاضني من بد كل الناس واشقاني حبيب معه قلبي يا جماعة ما تردونه عطاه الله حبي يوم ربي حبه اعطاني وصار قلوبنا في بعضها بالحب مفتونه وانا مدري وش اللي مع هذاك الدرب وداني صدفته والقدم ماشي وريضته على هونه عرف شكلي لكن من الحيا ما عاد حاكاني همس ليه بطرفه والخجل في حاجر اعيونه وانا من شبحة العينين مدري وين تلقاني احس ان القدم ما هي على الميقاف موزونه وفي صورة ملك لكني اعرف بانه انساني بهي الحسن في طبعه وفي شكله وفي لونه عسى رب عطاه الزين صبر ايوب يجزاني او انه يجمع الشملين مع عاشق ومضنونه تساق المجمره في عرسنا من ليلة الثاني وعلينا الورد من فوق المنصه زوم يرمونه انا بالصدق لولا عنه بعض ظروف تحداني لسوي شيء عشاق المحبة ما يسوونه لكن اخشى على السمعة ولا ابغى هرج عدواني وانا ادري ان البشر من كان سالم ما يخلونه وهذا ختامها ماني عن المجمول ولهاني الا يا ناس خلوا كل معشوق ومجنونه