محاورة جرت بين الشاعرين الكبيرين محمد بن عبدالله بن حسن ومحمد احمد الناصر الشايع والتي جرت في محافظة عنيزة:
محمد:

يا سلامي على اللي يسمعون السلام ردة من هجوس الورع غنى بها وين ابا لقى العميل اللي يشد الحزام قربته فاللقاء ما ينصل نصابها

ابن حسن:

ياهلا مرحبا حييت يابن الكرام والمعاني تراني حاسب حسابها جال خصم على الميدان عرف الكلام يا وسيع المعرفه شد مقضابها

محمد:

كان عينك تهوجس في لذيذ المنام المغاره تحقرص وسطها دابها يا الله انك تبارك يا منشي الغمام البضاعة تبا اللي يم هندابها

ابن حسن:

انت اشوفك تهرج بين شرق وشام حيتك يا المغاره منكسر نابها لا تقل القدم يا صاحبي بالزحام ما بغينا علومك ينفتح بابها

محمد:

كثرة الطق بالميت لك الله حرام والجنازة ليا ماتت خذ ثيابها المعاني نبيها مثل سلك الغرام والسوالف نبيها ينفتح كتابها

ابن حسن:

خلها يا محمد يا رفيع المقام كل لابه تفضل شوفة اصحابها اللعبو يا وسيع المعرفه بالنظام قمة الضلع يتعب رجل عدابها

محمد:

جر صوتك ولا يلحقك منا ملام خابر سهول دار القوم وهضابها خابرين السفر ما هو سوات الظلام شارة العام ما حديت مضرابها