ياذا الحمام اللي بصوته ناح

ذكرتني مكحول الاعياني

غرو رمى قلبي بليا سلاح

توه صغير السن فتاني

هواه قلبي لين سري باح

والقلب غيره ما هوى ثاني

يالله دخيلك طرفه الذباح

ياما شغل فكري وعناني

صفين لولو لا تبسم لاح

مثل البرد والعود رياني

قمت الضحى قالوا حبيبك راح

سافر وانا بالنوم غرقاني

البارحة كنا سوة بمراح

واليوم راح الزين خلاني

ارعى مراهيله واصيح صياح

والدمع يجري فوق الاوجاني

والعين ما تغفى ولا ترتاح

من يوم راح النوم ماجاني

من يوم روح راحت الافراح

صارت حياتي هم واحزاني

قالوا اصبروا والصبر مفتاح

قلت الصبر ما عنه سلاني

حمام ياللي بالفضا سباح

ليته لنور العين وداني

ودي بشوفه والعنا ينزاح

وان ما حصل لاشك انا فاني

هذا الهوى ياويل من به طاح

يصبح غريب دون عنواني

الحب لا ما هو لعب وامزاح

الحب يقتل بعض الاحياني