اخذت بالدنيا تجاريب ودروس
وحفظت درس في حياتي درسته
وعرفت ما هو خلف الايام مدسوس
شي تبين لي وشي لمسته
وعرفت بالعالم رياجيل وبسوس
وبعض المفاهيم القديمه طمسته
العام له ملبوس واليوم ملبوس
وعقب الجهل ثوب المعرفة لبسته
ومن عقب ممشى بالثقة قبل لا قوس
اليانويت الدرب هالحين قسته
طشيت سن قام يلعب به السوس
اشوفه أوجعني وانا ما لمسته
واشوف راعي نية الخير معكوس
يمشي بدرب والاوادم اعكسته
وان ما اتحد والا عكس جرة القوس
بالباطل اخباث العباد افترسته
ناس حقيقتهم خبيثين ونجوس
لو ظاهر اكثرهم يخفي انجسته
