ما كان ودي يا هوى البال بفراق
ولاكنت بالهجران والبعد ناوي
لاشك مر الحب انا ذقته اذواق
وقلبي على التعذيب ما عاد قاوي
تذكر اجي يمك سعيد ومشتاق
وارجع حزين ابكي أجر الخطاوي
لصرت يا عمري على ما انت شفاق
وتشفق علي ويا اكحل العين تاوي
ولصرت ما تخفي غرامي بالاعماق
وشلي بحب اللي بحبه يراوي
وأبشرك قلبي عقب نومته فاق
وبان السراب اللي احسبه نداوي
وبانت اكاذيبك على وضح الاشراق
وخيبت ظني فيك واحلى الهقاوي
الحل واحد ما لها ثاني افراق
وبعدك وقربك صار عندي متساوي
وخلاص شققت الرسائل والاوراق
اسلم من التعذيب وابقى خلاوي
