ويستمر فيض المشاعر الوطنية الصادقة من أبناء هذا الوطن المعطاء تجاه بلادهم الأبية ورموزها العظماء.
والشاعر / سالم الشمري يجسد مشاعرنا جميعاً تجاه قائد الامة وباني النهضة خادم الحرمين الشريفين ايده الله بنصره.
والشمري في قصيدته التي تقترب من الاسلوب الملحمي حاول إبراز إنجازات فهد العروبة للوطن وللامة الاسلامية حيث قال:

ياباني الامجاد ماهي غريبه أنت الفهد للحكم والحكم يزهاك يارايد التعليم نور الشبيبه صبت الهدف بالعلم والعلم ذكراك رفعت ساسه والموارد صعيبه واليوم هذا يافهد جهد مبداك مناهل تورد بليا ضريبة والخير عم وخيرة الشعب هناك واللي يخون العهد ربك حسيبه يشهد لك التاريخ بفعول يمناك أنت الدواء للشعب وانته طبيبه زحت الجهل مع المرض لاعدمناك والفقر ولّى والرخى فك جيبه والعدل والانصاف هو ساس مبناك ياعز منكوب كبا به نصيبه يانصرة المظلوم وان لاذ بحماك ابوك ضد الظلم وانته حريبه بسلاح دستور الشريعة عرفناك هذا كلام صار مافيه ريبه وكل اسرة الإمام مثلك وشرواك واخترت في دنياك مكه وطيبه والاسم الاول خادم بحبه اغراك وترجمت مقصودك صروح عجيبه كلك فخر بافعالك الله يجزاك بالخير كلمة حق ماهي غصيبه وسعت للزوار والبيت برضاك وعبدالله الوالي على العهد هيبه امين سر وعوق منهو تحداك نعم لبو متعب ومنهو ينيبه رمز الشهامة والوفاء رمز الادراك سلطان قايد للجيوش المهيبه لاتقربه يالمعتدي ثم ياطاك بأحد ث معدات اللواء والكتيبه ونسور تسبح بالسماء مثل الافلاك وأمن الوطن نايف مع الحزم طيبه حكمه شريعة لاطواغيت واشراك واللي يشق الصف نايف يجيبه بوسايل قالت نعم سيدي هاك هاك الجبان بداه وارداه عيبه ابن الردي تايه ولاعنده ادراك وسلمان قنديل الرياض الخصيبه اشعل مصابيح البشاير بالاملاك من خير ابو تركي عسى الله يثيبه بالخير يا ام نجد سلمان غطاك ابن الشجاع اللي كسا نجد هيبه بالسيف والتوحيد تحت العلم ذاك بالراية الخضراء يقود الكتيبه من فوق صهوة مهرته جول وعراك حتى استوت له واسترد الحبيبه رده من الطامع عقب خوض الارماك جت له بحد السيف ماهي وهيبه نطلب من الله جنة الخلد مثواك ياغيث نجد وشمسها عقب غيبه حققت توحيد الجزيرة بمسعاك وارثتها لملوك مثلك عريبه ملوكٍ مشت درب الشجاعة والادراك كلٍ بدوره قام يبني نصيبه من فوق ساس العز قالوا كفيناك واللي وراهم كلها مستجيبه أنجال واحفاد توارث وصاياك قلوب تصافت والمخالف تعيبه ماغيروا نهجك وسيرة سجاياك نعم العرين اللي ربوعه حريبه اسوده ال سعود لاذا ولاذاك اسرة محبة للرعيه قريبه مابينهم حاجز ولافيه شباك المدح بآل سعود ماهو معيبه يفرح به المخلص ويمرض به افاك من قال قصده مال فالله حسيبه والله ما أرجي لو قدر عود مسواك ماني من اللي ينثني عقب طيبه ماقصروا حلولي عقود وأحباك تمت ولاقلته نفاق وغيبه بل هي حقايق تدحض أقوال شكاك