نشرنا الاسبوع الماضي لغزاً كتبه الشاعر محمد عبدالله العسكر الحنيني ويقول:

ياويش عذراء بالفوايد غزيرة تنبي عن العالم ويصدق خبرها موجودة ياناس في كل ديرة سادت ورادت واسمها في نحرها وترى اسمها حاوي بلادٍ كثيرة وكم واحدٍ مع كل صبح انتظرها وجاءت الحلول الصحيحة التالية: سار القلم والقاف زان تعبيره واخذت من جزل القوافي دررها ودي أشارك يالوجيه السفيرة من جملة الشعار غصنا بحرها والحل يامحمد تراه الجزيرة وعشاقها مايحسبون لمهرها

محمد عبدالله العايد
القريات
***

سلام مني عد نفحت عبيره واعداد ماهلت همايل مطرها على الجزيرة في تراث الجزيرة واللي على الصفحة بيوته نشرها هذي الجزيرة بينه مستنيره جريدة نسبح بغبة بحرها

جدي بن متعب العنزي
الرياض
***

اللغز يامحمد تراه الجزيرة جريدتاً تصدر ونقرا خبرها اقولها ياجعل في الامر خيره وإن كان هذا الحل نطلب نشرها

جمعان جبر القحطاني
***

يامرحبا اعداد شعب الجزيرة واعداد ماامطر بالسما مع بحرها لك يامحمد من عميق السريره أيضاً وللقاري وناشر خبرها ولمشرف الصفحة بهذي الجزيرة مني تحيات تقافي باثرها هذي الجزيرة شمعةٍ مستنيرة لأهل العقول تفيدهم من دررها تلبس ثياب جداد في كل ديره عشاقها دوم وهي تنتظرها مادت ورادت تستحق وجديره ماقيل فيها شويٍ وهذا فخرها

مبارك محمد طرجم الضعاوين
***

يامرحبا باللي بيوته عسيره تحمل معاني وافيه لاحكرها لغزك عرفته دون شكٍ وحيره أوضح علّي من النجوم بسفرها عنوانها في خط واضح جزيرة جريدةٍ كلٍ يشاهد صورها

سعد غازي مطلق الحنيني
***

يامرحباً باللغز عبر الجزيرة لاصار حله هو صحيفة زهرها عاشوا هل التحرير وأهل المسيرة واعضاء صفحتهم وباقي اسرها

شنار عامر الشكرة
الافلاج
***

حي التراث وحي منهو يديره المشرف او تحرير واللي نشرها عبر الجزيرة قلت وين الجزيرة وعبره تجيك اعلومها وانتظرها وش عاد لو إن الجرايد كثيرة ولوهي انجومٍ فالجزيرة قمرها

فهد عقيل الطويان
بريدة
***

انا اشهد ان الفايدة في الجزيرة يعيش راعي اللغز واللي خبرها ويعيش مبناها واللي يديره لاخبارها نعم الثقافة وشعرها وابوابها يا ناس والله مثيرة ومن زينها ما الوم من ينتظرها

عبدالله الشهري
***

حييت يالغز بيوتك مثيره من شاعر جزل المعاني سطرها مركزٍ معناه مافيه حيره واضح مثل شمس الضحى في بحرها من بين كل الصحف تلقى الجزيرة اخبارها في بطنها في ظهرها

محمد معدي المعيلي
حفر الباطن
***

ياواصف العذراء بسيره وسيره وياسامعين الصوت شوفوا بحرها هذي جريدتنا بها كل حيره هذي الجزيرة كل علمٍ خبرها يامحمد العسكر عليك البصيره للي يتصفحها ويقطف ثمرها وترى معانيها تعدى الجزيرة يشوف زاهر وقتها في عهدها

فهد بن عبدالله محمد الخرعان
***

يامرحباً ينقال في كل ديره بشاعراً زين المعاني حكرها لغزك عرفته سهل مافيه حيره هذي الجزيرة وكل منا شكرها

فهد بن عبدالله الجديع
***

بديت بسم اللي يعرف السريره اللي خفايا الكون بامره عرفها من بعدها يأهل العقول الخبيره لغز الحنيني والجزيرة خبرها

أحمد حويشي الظفيري
***

سلام يأهل العرف في كل ديره لهل الوفاء من برها لابحرها اللغز واحد مارمعنا لغيره ترها الجزيرة والفوائد ثمرها

كسار عواد الشمري
***

سلام مني للوجيه السفيره اللي بنور الخير يسفر سفرها اللغز يا الحنيني تراه الجزيرة في كل دار وكل حي ذكرها

علي عايض الأكلبي
***

غطوك قريته في تراث الجزيرة عقب الصلاة اللي سعد من حضرها هذي الجزيرة والمعاني كثيرة ومعنى الكرامة والصراحة عمرها

فهد بن علي الغانم
الرياض
***

قريت لغز اللي كتب بالجزيرة يسأل عن العذراء ويطلب خبرها دور الصحافة مايبدل بغيره ترى الجزيرة وسطها هي قمرها في صدرها نقرأ علومٍ كثيره وحسب مصادرها تأكد خبرها

محمد بن صالح المجماج التميمي -الرس
***

قريت لغز واردٍ بالجزيرة يشكر محررها ومنهو نشرها الحل واضح مايبي له مشيرة هي الجزيرة لغزها في بحرها جريدة فيها فوائد كثيرة اللي شهرها صدقها في خبرها

منصور عثمان الزهراني
دومة الجندل
******

قريت يامحمدتراث الجزيرة في صفحة ذوق الحميدي عمرها واللغز حله جاك وانته خبيره اسم (الجريدة) مايجي في ظهرها

صويلح بن عبيسان الشيباني
الرياض
***

سلام ياللي وافيٍ في مسيرة يابن الرجال اللي صدوقٍ خبرها هذي جريدة والنسب للجزيرة يا اللي قطفت من المعاني ثمرها

عبدالله بن غازي الحنيني
الضلفعة
***

صحيح دورات الزمن مستديره لقيت انا كل العجب في عبرها لكن عسى ماتكره النفس خيره لوصار خافي بطنها في ظهرها وانا أشهد إنك وافيه يا الجزيرة يا افضل جريدة عندنا نعتبرها

عبدالله العيد الحنيني
البكيرية
***

يامدور العذراء تراني خبيره والظاهر ان الحل يمك عبرها صحافةٍ تميزت دون غيره اللي بها لغزك علينا قمرها جريدة يكتب عليها الجزيرة واسلم وسلم لي علىمن نشرها

عبدالله عبدالعزيز الربعي
***

قريت لغز عن طريق الجزيرة نظم الحنيني في بيوت سطرها عذراً عرفناها تراها شهيره ياما تجيب اخبار باحلى صورها هذي الجريدة بالمعاني كبيره فيها العلوم اللي جديد خبرها

محمد بن عبدالعزيز الخنيفر
شقراء
***

يا اللي كتبت اللغز ماهي كثيره يامرحبا عداد ما اخضر ثمرها حليت لغزن ناشره بالجزيرة وترى (الجزيرة) يالحنيني خبرها

منيف مقبل الغرابي
النبقية
***

ازكى تحيه للوجيه السفيره تحية تارد والاخرى باثرها يامن كتبت ابيات لوهي عسيره حنا نروضها بادب مانعسرها ونقرا ونفهم ماكتب بالجزيرة جريدة نطلب عسى الله يعمرها

عبدالله بن عبدالعزيز الفهد
*****

سر ياقلم واكتب بيوت قصيره وعبر عن افكار خيالي نثرها لمحمد العسكر زبون العشيرة اللي علىالصفحة بيوته سطرها وقل له جواب اللغز ذاك (الجزيرة) زينة جرايدنا وساطع قمرها

عبدالعزيز الحمد القاضي
***

اللغز حليناه من دون حيرة يومٍ كلٍ غارقٍ في بحرها حله (جريدة) يالوجيه السفيرة اريال فوق اريال قيمة مهرها

سلمان عوض البدراني
***

يامرحبا واعداد نبت البذيرة وعداد ماهلت سحايب مطرها اللغز يامحمد تراه الجزيرة جريدة عنوانها في نحرها يقولها من حركت في ضميره مثايل ماكل رجلاً صخرها

عبدالله صويان محمد
***

اللغز يامحمد عرفنا مسيره صفحات ينشر كل يوم خبرها ومكتوب باعلاها كتابة جزيرة تسلم يمين اللي كتبها ونشرها

ناصر فهد عفتان السهلي
***

يازين جيرتنا على كل جيرة جاري محمد والثمينة نشرها وسط البكيرية أوجيهن سفيرة مذكورة بالطيب كل خبرها جريدتي الاولى تراها الجزيرة صفحة مدارت الحميدي شهرها

خالد صنهات الحربي
***

هلا باللي نظم بيوتاً سطيرة وطلب حل اللغز من بشرها وهلا باللي سموها الجزيرة تفيدنا بعلوم من صافي بحرها اللغز واضح مايبي له حيرة جريدة الجزيرة وانا انتظر خبرها

عبدالله نايف راشد البقعاوي - بقعاء
***

عذراك يالعسكر ترها الجزيرة صحيفة ماكذبت في خبرها

صقرابراهيم السياري ضرماء
***

ابن الحنيني نطلب الله يجيره يحميه ربه من بلاوي خطرها قريت لغزه في تراث الجزيرة الملحق ابيات القصيدة نشرها والحل يامحمد أكيد الجزيرة جريدة بالصدق كلٍ ذكرها

مطلق الشراري
الرياض
***

ياراعي العذراء تراها شهيرة الصدق معقودٍ بسر وجهرها تنبيك بأخبارٍ ولوهي خطيرة مافيه يومٍ قد توقف خبرها بقولها ياخوي هاذي الجزيرة معروفةٍ مابين بدو وحضرها والاسم معروفٍ ولا أشوف غيره الكل يقراها سليم وعورها

ناصر عبدالله الخرعان
***

يامرحبا باللي تهيض ضميره حياك رب الخلق منزل مطرها اليوم صار الكون قريه صغيره نسمع عن احداث المسا في سحرها حليت لغزك في تراث الجزيرة من دون عيني مايطول سهرها ذيك (الجريدة) قلتها دون حيره وانا مع اللي كل صبحٍ نطرها

منصور عبدالله المجيدل
الرس
***

اهلاً هلا باللي بيوته نظيره الشاعر اللي للمعالي فخرها ناظم بيوتٍ محكماتٍ مثيره جزل المعاني في رصيده حصرها يسأل عن اللي بالفوايد غزيره ذيك الجزيرة صادقة في خبرها

عبدالله الدهيسان الحربي
الذيبية
***

يامرحبا باللي بيوته يسيره ساد المراجل والمعاني جبرها الله يسهل للحنيني مسيره ويوفقه ربي ويبعد خطرها قريت لغزك يوم جبت الجزيرة والحل واضح واضحٍ في نحرها جريدة تحوي علوم كثيرة فيها السياسة والرياضة بثرها

مرزوق شقير العتيبي
***

يامرحبا ترحيبة (بالجزيرة) واللي نظم تلك البيوت وحكرها ترحيبة مثل الربيع وعبيرة تغسل عن النفس الحزينة كدرها صحيفة فيها علومٍ مثيرة مافيه شكٍ واضحات عبرها ترى (الجزيرة) بالعلوم الوفيرة الصدق مرساها وساحل بحرها

سعد بن سرور الكرشمي
الدوادمي
***

قريت لغزٍ في تراث الجزيرة وعينت حله جات به في ظهرها حله جريدتنا ولافيه غيره جادت وسادت والله اللي نصرها

سعد محمد المصارير
الخرج
***

حي الله اللي له مكانه كبيره عندي وعند العارفين بخبرها الشاعر اللي فيه عفه وغيره من لابةٍ بالطيب كلاً ذكرها ابن الحنيني ماتغير مسيره لاغاص ببحور المعاني عبرها ينشد واقول ان الفتاة السفيرة بسم الجزيرة تفتخر من نشرها

خلف الاسيد الشراري
***

لغزك جذبني يامكرم قصيره ياشاعراً حلو المعاني صخرها مافيه شك ان (الجزيرة) شهيره وعند الحميدي يامحمد خبرها حيثه من اللي شاركوا في مسيره وتراث صفحاته بجهده شهرها محمد عايد البوجان الشراري

القريات - الحديثة
***

ياللي كتبت اللغز وسط الجريدة تنشر عن اللي صادقه في خبرها ياكم جتنا في حقايق مفيده وياكم طالب بالنتايج نطرها الحل واضح والاسامي عديده هذي الجريدة واسمها في نحرها

مفرح عايش العنزي - القيصومه